الفشل !
الفشل إنك تعيش من غير أمل
وكل حاجة فى الحياة تحت خط المحتمل
تخسر فى دنياك كل شئ
وف آخرتك لاتكون شهيد ولابطل !
الفشل إنك تدوَّر ع السعادة
تحب حاجة حتى لو ربك زِعِل!
الفشل إنك بتخسر كل يوم
فى ناس تعاشرك أو عَمَل
الفشل إنك تتوه عن الهدف
وتبقى غرقا ن فى العسل
الفشل إنك تعيش عبد المَطَالِب
تبقى سالب كل حالك فيه خلل
حلمك المطلوب من الحبسة دِبِل
الفشل تكون أنانى تحب نفسك
تقطع الرَّحِم اللى مفروض تِتْوَصَل
تعيش لأكل تعيش لشهوة
وفجأة تلقى الموت وصل
الفشل كل الفشل
إن ربك يبقى غضبان !
والإيمان تلقاه رحل
حسن رمضان ـ كبير باحثين بالوعظ بالأزهر
عنوان الموضوع: "الفشل ! حسن رمضان ـ كبير باحثين بالوعظ بالأزهر"
إرسال تعليق