هلال البنا
ضباب
كبر خلاص وانوي الصلا
الفاتحه بعد البسمله
الله في عون الأرمله
ياليل ومش باينه السما
غيوم مغطيه النجوم
وقلوب كتير صابها العمه
معاش صغير وعالعموم
معدوم انا من كام سنه
مهموم وقوتى يوم بيوم
من غير هدوم برد الشتا
وتعبت مش قادر أقوم
مهموم وقتلانى الهموم
جسمي مرض مليان سموم
دلوني واعمل ايه ياقوم
الله فى عون الأرمله
والفاتحه بعد البسمله
ياليل شديد فيك الضلام
خفافيش وبوم شيفين تمام
ميعرفوش لغة السلام
جيين فى يوم المشئمه
عاملينها نار وملحمه
غربان حياي تعابين تحوم
على مين نلوم
عيون مايملاها التراب
وأرض فيها الزرع خاب
وصبح طالع فيه ضباب
وشمس غطاها السحاب
عوزين تخلوا الدنيا غاب
الآخره فيها يوم حساب
وفيه صواب وفيه عقاب
فى الآخره ممنوع العتاب
ياقلوب خلاص صابها العما
فى ليل ومش باينه السما
الله في عون الأرمله
كبر خلاص وانوي الصلا
والفاتحه بعد البسمله
ضباب
هلال البنا
عنوان الموضوع: "ضباب بقلم هلال البنا"
إرسال تعليق