هلال البنا في
كلام الست
حوار وكان داير عالنت
واحد قاله سمعته زعلت
ولما حكاه مش صدقت
وقلت عجايب واتعجبت
كلام معناه زي ملف تمت
معاني من كلامها زمان
كلام الست
وأنا والله صاحي مش نمت
وبامشي برجلي عالأسفلت
وقولت قالت إيه الست
وقالوا هو زي ما سمعت
بتقول خلاص أنا حرمت
لما عرفت إن انت كدبت
كلام الست
وانت في آخر لحظه ظهرت
تعرف إيه إللي مزعلني
إللي مزعلني إن انت حلفت.
وازي تحلف وانت خدعني
أنا حرمت خلاص خلصت
مهما عملت وقلت وعدت
كلام الست
مانت ياما بيا سرحت
وطلعتني للسما وفرحت
وشعلقتني في الهوى وانزلت
وقلت عليا إني هربت
وهم في وهم وكدب في كدب
رغم إن انت إللي اتكلمت
كلام الست
وانا غلطانه إن أنا صدقت
ولما سمعتك واستسلمت
ولآ فهمت ولآ استفهمت
وانا لسايا صاحي مش نمت
وماشي برجلي على الأسفلت
وبسمع منه ولآ اتكلمت
كلام الست
بتقول ياللي عليا ضحكت
أنا معرفش إزاي اغلطت
لما عملت البحر طحينه
ونزلتني في البحر غرقت
واتعذبت ولا اتعلمت
وكان مفروض إن اتعلمت
كلام الست
وقبل ما اصدق كنت سألت
وقبل ماقول زعلانه واندمت
ياكداب ليه تسرح بيا
واتخليني ويا الأغبيا
أصعب حاجه إن انت كدبت
وأصعب منها إن انت حلفت
كلام الست
و في الحلفان برضو اتخلفت
وده كان كله كلام الست
والمشكله أنا مش صدقت
واللى حكالي وقالي زعلت
ولما سمعته إتعجبت
حوار وكان موجود عالنت
كلام الست
محلى زمان وكلام الست
والأطلال والصبر حدود
واحمد رامي والسنباطي
وبيرم التونسي وشوقي بك
وشيخ مكاوي والأصابجي
وألف ليله وثورة شك
والألحان وانت الحب
وبليغ والطويل وحافظ
كلام الست
هلال البنا
عنوان الموضوع: "هلال البنا في كلام الست"
إرسال تعليق