همسه
*******
كانت همسه قولتها
عبرت عن حبها
احمر ت من الخجل الخدود
وزاد نبض قلبها
كان الكلام بين العيون
وتكون حاجات وتكون ظنون
كل حاجه بأختصار
اكون او لا اكون
همسه كانت من الكلام
من غير بوادر ولا سلام
قولت فيها كلمه واحده
تحمل كل معانى الغرام
كان ضرورى تعرفى
حقيقه مشاعرى وموقفى
هنا كان دور الكلام
لغه العيون ما بتكتفى
والرد بان فى وقتها
كان واضح كمان انها
بتبادلنى نفس الشعور
وده بان برد فعلها
ولما الايدين اتشبكو
وعيون من الفرح ضحكو وبكو
بدايه حكايه من الوئام
قلبين لبعض قالو وحكو
بقلمى / حاتم صلاح
عنوان الموضوع: "همسه ******* بقلمى / حاتم صلاح"
إرسال تعليق