((( دنيا الهموم )))
ومين الهم مش طايله
وتعبه معاه بعمايله
وشايله وعايش وياه
وراضى بغلبه وقساه
بيلح عليه ف تفكيره
ويلاحقه ف منامه على سريره
ووجعه ف قلبه وضلوعه
ومجرى الدمع فى عيوانه
دا نفسه الهم ينساه
وكفايه عليه ماقساه
سنين بيدعى يفرجها
ربك حكيم ف تدبيره
جعل لكل شئ سبب
أكيد للهم تبريره
عشان تلجأ إليه وتشكيله
وتقول يارب فرج همى
فارضى بقضائه وحكمته
وقول يارب عظم أجرى
م الهم طايلكم وطايلنى
كلمات / محمود صلاح السيد 3/10/2019
عنوان الموضوع: "((( دنيا الهموم ))) كلمات / محمود صلاح السيد 3/10/2019"
إرسال تعليق