نقلا عن صفحة تمرد سيدات مصر ضد قانون الاسره
كتبت منه وحيد
فى نهاية٢٠١٧ ومع استمرار العمل بقانون الاسرة الحالى فى هدم الاسر تتزايد الماسى وتتوالى ازمات هذا القانون مآسي قانون الأسرة
ضحايا قانون الأسرة كتير .الحكايات اللى بتحصل وبيمر بيها الطرف غير الحاضن وأهله بتكون صعبة لدرجة أنه لايمكن تصديقها أحيانا كثيرة .ناس كتير متعرفش مقدار الألم والمرار اللى بنحس كلنا بيه.
ياريت كل واحد فينا يحكى معاناته مع القانون.
فكانت حكايات تبكي القلوب والاعجب انها لسيدات وليس لرجال فقط والكل يطالب بقانون الاستضافه
يقول
Abdelmonem Serag
اسود ايام شفناها من سنتين حتى اليوم شفناها فى محكمة الاسرة ، بيقولو الكدب مالوش رجلين ، لا لأ فى محكمة الاسرة له عشر رجول طالما اللى تكدب امرأة فهى صادقة ، بنت اتربت من الحرام توقف عائلة كاملة رجالها قبل حريمها وتبكينا وتنكد علينا وتحبس جوزها ونحزن على ابننا وابناء ابننا !! كل ذنبنا اننا نحب ابناءنا واحفادنا ولا نقدر ان ننساهم ..
امهم تكدب حتى النخاع تكدب كما تتنفس والزوج لا بستطيع حتى الكلام امام القاضى والزوجة هى صاحبة الحق دائما
بل هى المحكمة نفسها وشكرا شيخ الازهر شكرا مايا هانم مرسى واقول هانم بمعنى هانم ولما لا وهى صاحبة الكلمة فى قانون سوزان مبارك....
محكمةالاسرة فرع من فروع المجلس القومى للطلاق والخلع وتشريد الاطفال و هى دى محكمة الاسرة...
مع خالص احترامى وتقديرى لجميع قضاة مصر وخصوصا من حضرو الندوة التثقيفية فى المجلس القومى للمرأة والقت عليهم مايا هانم مرسى محاضرة ..
تقول
Nadia Elbasty
قانون ظالم للطرف الغير حاضن حسبنا الله ونعم الوكيل فيمن اقره
يقول
أحمد محمد
الشكوى لغير الله مذله
وهما لو مشافوش لوحدهم محدش هيسكت
احترام القانون من احترام العدل جواه
اما القانون الظالم فلن يطبق
الناس مستنيه امل تحقيق العدل
لو متحققشى يبقى نحققه بأدينا
يقول
Mohamed Yassin
انا ماشوفتش بنتي من ست سنوات ومش هستسلم وهكمل عشان بنتي وابناء غيري لتغيير هذا القانون الظالم والمجحف لحقوقنا كرجال
يقول
محمد ابراهيم
ضاعت حياتنا وضاع اولادنا على من مجيب يسمعنا
انا اب ارمل محروم من ابنى ابنى محروم منى بمشاركه قانون الأسرة المدمر لمعنى الاسرة حسبنا الله ونعم الوكيل ماذا فعلت كى يكون ابنى يتيم ام قدرا ويتيم اب برعايه القانون
تقول
Souad Ashour
حسبي الله ونعم الوكيل في قاطعه الرحم حرمت ابني من رؤية اولاده بهدلتنا في المحاكم واقسام الشرطه استخدمت كل الطرق الشيطنيه من شهادات زور وتزوجت عرفي وحرمتنا من اولادنا وساعدها علي انتقامها من ابني القانون الظالم بتاع المجلس القومي للمطلقات ربنا يجحمهم دنيا واخر اين حقي كجدادت لاحفادي متي نضمهم لاحضنا العمر فات الي متي تستمر قطع الارحام ياقوانين الفاشله اللي دمرت الاسره المصريه
تقول
رحيق الورد
قانون ظالم حسبي الله ونعم الوكيل في كل ظالم قانون قاطع رحم وخراب بيوت
يقول
صلاح القطوس
انا اب لطفلين محروم منهم من سنه ونصف مع العلم يسكنوا بعدى بشارعين وامهم تركت البيت بدون مشاكل ورفعت عليا قضايا لا حصر لها وطلقت بشهود زور وهما عمامها ورفضين هى واهلها ان اشوف اولادى او اكلمهم. ادعم قانون الاستضافه وسن الحضانه 7للولد 9للبنت وترتيب الاب الثانى بعد الام
تقول
هيام ام عمر
طب والام اللي بيات أطفالها في حضنها اصبح حلم ..
ارحمونا يرحمكم الله ..
نفسي يباتوا في حضني يوم 💔
ادعم الاستضافة .
تقول
Azza Kamal
انا جدة زوجة ابني حرمتنا وحرمت ابني من رؤية ابنته .ورفعت كم هائل من القضايا ضده بالظلم وكل همها هو الخروج من الجوازة بأكبر مكسب مادي. نريد تغيير القوانين الظالمة. ادعم الاستضافة وخفض سن الحضانة وترتيب الحضانة ليصبح الاب بعد الام.وان تكون الولاية التعليمية للاب
ويبقى السؤال هل يتحقق الحلم يوما ويتم اقرار قانون الاستضافه الذى يعطي للطفل حقه فى عائلة ابوه ام ستظل تلك الماسي تزيد وتزيد
للتواصل مع تمرد سيدات مصر ضد قانون الاسره
عنوان الموضوع: "مآسي قانون الأسرة == كتبت منه وحيد , نقلا عن صفحة تمرد سيدات مصر ضد قانون الاسره"
إرسال تعليق