حددني ساعة
وجالي
علي كدا يابدارا
بتحطي علي وشك خيار
والذبادي ساعة العصاري
اكيد يابتي
مالكيش خيار
جولت لة
ياجدي
انا بت الصعيد
صحيح اتربيت
في اسكندرية
لكن نعمة ربي
تتباس
ونحطها فوج الراس
مش نلزج بيها وشنا
ربنا خلق لنا النعم
هو حد لاجي الخيار للوكل
هنلزجوا ع الوشوش
هو احنا بالنعمة نكفر
جالي جدي
يابتي
متربية ف سكندرية
وتلبسي جينس وجواكت
وخلعتي تياب الصعايدة
جولت لة ياجدي
الطبع صعيدي
والعقل صعيدي
تعرف ياجدي..
نا ساكنة مع اللبوادي
ونتكلم كيفهم
ومعايا لغات
بتك بتتحدد
ابدوي
وصعيدي
وقربت تنسي الفرنساوي
والانجليزي
جالي جدي
والله يابتي
الصعايدة واللبوادي
طبع شديد
ومش عادي
خلي بالك يابتي
من نفسك
اصلك يابدارا
بت اصول
راجل من يومك
واللي يهوب
بندقية
او طخية
اوعي يابتي
تحطي الذباي
ع الخيار
وتلزجية
علي وشك
والنبي ياجدي
انت رايج
سايب الطربة
وجاي تقولي
الخيار والذبادي
وعلي كده عامل اية ياجدي
انت ميت من زمان
واخداك الغربة
ولا مرتاح
م الدنيا وبلاويها
والله يابتي
كلة وجع راس
ادعيلي
يجي يوم الحساب
طال الانتظار
وستك ماتت
طيب ياجدي..
انا لسة شباب
استني هبابة
نكبر العيال
ويتجوزوا
مستعجل جوي ع الحساب
جدي..
كفياك النهاردة حديد
الله يرحمك ياجدي
اصبر علينا شوية
واستحمل شوية
هنجرالك الفاتحة
سلام ياجدي...
..........تحياتي
بنت النيل السمرا
بدر كامل
عنوان الموضوع: "حددني ساعة == بدر كامل"
إرسال تعليق